થાય છે

શબ્દ જ્યાં પોંખાય છે
તૃપ્તિ ત્યાં છલકાય છે

પંચતત્વો પર જુઓ
કોરડા વીંઝાય છે

બાવડાને બુદ્ધીથી
વાવટા ખોડાય છે

વીજળીની ધાકથી
તીર પણ ગભરાય છે

વારિ ના પોષણ વિના
વાદળા કરમાય છે

સૂર્યના સંકેત પર
વ્યોમ ફંગોળાય છે

વેણ વાંકા સાંભળી
વેદના વીંધાય છે

ચુંટણીના મંચ પર
નાટકો ભજવાય છે

શબ્દ પૂછે મૌન ને
કેમ તું ગભરાય છે

બાટલી ઊભરાય તો
બૂચ તૂટી જાય છે

પંચની સામે જતાં
ફાઇલો શરમાય છે

ચુંટણીના વાયદા
ફૂલ શા કરમાય છે

ચુંટણીના અવસરે
નાટકો શરમાય છે
અભણ અમદાવાદી