ગાંઠિયા ચટણી

મમ્મી મારી એવી જાણે તીખીને તમતમતી ચટણી

પપ્પા મારા એવા જાણે ગરમગરમ રે ગાંઠિયા

મમ્મી મારી એવી જાણે મીઠી મીઠી મધ શી જલેબી

પપ્પા મારા એવા જાણે શીરો પુરી ખીર કચોરી                   

પપ્પા મારા એવા જાણે ગોળ મટોળ રીંગ રોડ

મમ્મી મારી એવી જાણે સીધો સાદો આશ્રમરોડ

મમ્મી મારી એવી જાણે સૂરજની પહેલી કીરણ

પપ્પા મારા એવા જાણે પૂનમની મધુર કીરણ

પપ્પા મમ્મી બંને કેવા ગાંઠિયાને ચટણી જેવા

એક વગર બીજું ન ભાવે સાથે મળીને સ્વાદ આપે
            અભણ અમદાવાદી