ફાળ

ભૂખ્યા પેટે ફાળ પડી છે
ચૂલાએ હડતાળ કરી છે

બળતણ રાજી રાજી થઈ ગ્યું
ચૂલાએ હડતાળ કરી છે

બે બોલાવ્યાં બાર આવ્યા છે
પાણી જેવી દાળ કરી છે

અઢળક મીઠું નાંખીને મેં
પાણી પ્હેલાં પાળ કરી છે

આલુ કાંદા સડવા દો ને
નેતાઓએ જાળ વણી છે

ક્યાંથી પામે ભોજન સઘળા
ચૂંથાયેલી જાળવણી છે

માંગ્યા જ્યારે હક અધિકાર
મસમોટી બે ગાળ મળી છે

વાણીના વન કરમાયા છે
બીજોની બહુ ખોટ પડી છે

લેબલ વ્હાલાં દવલાંના એ
સંબંધોની ફાળવણી છે
અભણ અમદાવાદી