ઝાંઝવા

માછલી આવે અને ડૂબે અહીં એવો
ઝાંઝવાને પણ અભરખો હોય છે

પળના ઉંડાણમાં વિસ્તરી તો જુઓ
પળમાં વિરાજમાન સદીઓ હોય છે

રૂપના નખરાંને જીવન બક્ષનાર
અલબેલો એક ભમરો હોય છે

અડપલા કરશો મા કુદરત સંગ
ભૂકંપ એ કુદરતનો છણકો હોય છે

પંજો કમળ સાયકલ કે પછી ફાનસ
દરેકના વિજયમાં છબરડો હોય છે

થઈ ધાર બુઠ્ઠી માસ્ટરના બેટની
વય આખરે તો ભમરડો હોય છે
પ્રથમ પંક્તિ અન્ય કોઈ કવિની છે નામ યાદ નથી બાકીની મારું સર્જન છે
અભણ અમદાવાદી